ရုရှထုတ်ကာကွယ်ဆေးထိုးနှံပြီးနောက် ၂လကြာ အရက်မသောက်ဖို့သတိပေးမှုအပေါ်ရုရှလူမျိုးများဒေါထွက်နေ

 ရုရှထုတ်ကာကွယ်ဆေးထိုးနှံပြီးနောက် ၂လကြာ အရက်မသောက်ဖို့သတိပေးမှုအပေါ်ရုရှလူမျိုးများဒေါထွက်နေ

~~~~~~~~~~~~~~~~~~~~~~~~~~~~~~~~

ရုရှကထုတ်လုပ်တဲ့ ကိုဗစ်ကာကွယ်ဆေးဖြစ်တဲ့ Sputnik V ကို ထိုးနှံမယ့်သူတွေအတွက်တော့ သတင်းဆိုးတစ်ခုက ရှိလာခဲ့ပါတယ်။ အဲဒါကတော့ အဆိုပါကာကွယ်ဆေးကို ထိုးနှံခဲ့ပြီးပါက ၂လကြာ အရက်သောက်သုံးခြင်းမပြုရဘူးဆိုတဲ့အချက်ပါပဲ။ ဒီလိုမျိုး သတင်းထွက်ခဲ့တဲ့အပေါ်မှာ ရုရှအမျိုးသားတွေက ဒေါသထွက်နေခဲ့တယ်လို့လည်း သိရပါတယ်။ 

ကျန်းမာရေးအာဏာပိုင်က သတိပေးချက်ထုတ်ပြန်ခဲ့တာဖြစ်ပြီး တုံ့ပြန်မေးခွန်းတွေကို ရင်ဆိုင်ခဲ့ရပါတယ်။ အကြောင်းပြချက်ပေးဖို့အတွက် တောင်းဆိုနေကြတာဖြစ်ပြီး ရုရှထုတ်ကာကွယ်ဆေးနဲ့ပတ်သက်ကာ အငြင်းပွားမှုတွေရှိလာခဲ့ပါတယ်။ စားသုံးသူကျန်းမာရေးစောင့်ကြည့်အဖွဲ့ရဲ့ ခေါင်းဆောင်တစ်ဦးဖြစ်တဲ့ Anna Popova က Komsomolskaya Pravda ရေဒီယိုဌာနကို ပြောဆိုခဲ့တာလည်းဖြစ်ပါတယ်။

သူမက ပထမဆုံးအကြိမ်ကာကွယ်ဆေးမထိုးခင် နှစ်ပတ်ခန့်အလိုမှာ အရက်သောက်သုံးမှုကို ရပ်တန့်သင့်တယ်လို့ ပြောဆိုခဲ့ပြီး ဆေးထိုးပြီးပါကလည်း ၄၂ ရက်အထိ ထပ်မံရှောင်ကြဉ်ဖို့ သတိပေးခဲ့ပါတယ်။ ၂၁ရက်ခြားကာ နှစ်ကြိမ်ထိုးနှံရမယ့် ဒီကာကွယ်ဆေးကိုတော့ ဒီတစ်ပတ်ထဲမှာ စတင်ထိုးနှံဖို့ စီစဉ်နေပြီး ဆရာဝန်၊ စစ်သား၊ ဆရာ/ဆရာမတွေနဲ့ လူမှုရေးလုပ်သားတွေကို ဦးစားပေးထိုးနှံပေးသွားမှာဖြစ်ပါတယ်။ 

အရက်အလွန်အကျွံသောက်သုံးလေ့ရှိတဲ့ နှစ်သစ်ကူးပွဲတော်ကာလကလည်း မကြာခင်ရောက်ရှိတော့မှာဖြစ်ပြီး  ရုရှအများစုဟာ ၂၀၂၁ ခုနှစ်ရဲ့ ပထမဆုံးဆယ်ရက်ကို နေအိမ် ဒါမှမဟုတ် နို်င်ငံရပ်ခြားတွေမှာ အရက်အလွန်အကျွံသောက်သုံးပြီး ဖြတ်သန်းလေ့ရှိကြပါတယ်။ ကမ္ဘာပေါ်မှာ အရက်အသောက်သုံးလူမျိုးတွေအဖြစ် ထင်ရှားတဲ့ ရုရှလူမျိုးတွေအတွက်တော့ ကာကွယ်ဆေးထိုးနှံပေးမယ့်အချိန်နဲ့ နှစ်သစ်ကူးရက် တိုက်ဆိုင်နေတာက စိတ်ပျက်စရာဖြစ်လာခဲ့ပါတယ်။ 

အရက်သောက်သုံးမှုဟာ ကိုယ်ခံအားကို လျော့ကျစေပြီး ဗိုင်းရပ်စ်ကို တုံ့ပြန်နိုင်မယ့် ပဋိပစ္စည်းတွေထုတ်လုပ်နိုင်မှုကို နည်းပါးစေလိမ့်မယ်လို့ Popova က ပြောပါတယ်။ "ဒါက ခန္ဓာကိုယ်ကို ဖိအားဖြစ်စေပါတယ်၊ ကျန်းမာရေးကောင်းမွန်ပြီး ကိုယ်ခံအားကောင်းကောင်းနဲ့ တုံ့ပြန်ချင်တယ်ဆိုရင်တော့ အရက်မသောက်ပါနဲ့" လို့ သူမက ဆိုပါတယ်။ ဘယ်လိုပဲဖြစ်ဖြစ် ရုရှတွေကတော့ ဒီသတိပေးမှုအပေါ်မှာ တော်တော်လေးစိတ်ပျက်ဒေါသထွက်နေကြပြီဖြစ်ပါတယ်။ 

@The River Health Care