လမ်းလျှောက်ထွက်လာသည့် ရဲမေတစ်ဦးနှင့် ညီမဖြစ်သူထံမှ ဆွဲကြိုးဖြတ်ပြေးသူကို ဖမ်းမိ

 လမ်းလျှောက်ထွက်လာသည့် ရဲမေတစ်ဦးနှင့် ညီမဖြစ်သူထံမှ ဆွဲကြိုးဖြတ်ပြေးသူကို ဖမ်းမိ

မအူပင်၊ ဒီဇင်ဘာ ၆/၂၀၂၀

ဧရာဝတီတိုင်းဒေသကြီး၊ မအူပင်မြို့တွင် ဒီဇင်ဘာ ၅ရက်နေ့ မနက် ၅နာရီခန့်က ကျန်းမာရေးအတွက် လမ်းလျှောက် ထွက်လာသူ ရဲမေတစ်ဦးနှင့်ညီမဖြစ်သူထံမှ ဆွဲကြိုးဖြတ်ပြေးသူကို ချက်ချင်းဖမ်းဆီးရမိခဲ့ကြောင်း သိရသည်။

မအူပင်မြို၊ အမှတ်(၁) ရပ်ကွက်၊ ကမ်းနားလမ်းတွင် ခရိုင်ရဲတပ်ဖွဲ့ဝင်ရဲမေနှင့် ၎င်း၏ညီမ၊ အသက် ၂၆နှစ်အရွယ် သူငယ်ချင်း ကောင်လေး၊ (၃)ဦးတို့မှာ လမ်းလျှောက်ထွက်လာစဉ် ကိုယ်လက်ကြံခိုင်ရေး လုပ်သည့်နေရာ ရဲစခန်းနှင့် ၂ဖာလုံခန့်အကွာ၊ အာဇာနည် ပန်းခြံဒေါင့်အရောက်တွင် အနောက်မှဆိုင်ကယ် မောင်းနှင်လာသည့် အမည်မသိအမျိုးသား တစ်ဦးက ရဲမေတစ်ဦး၏ညီမဖြစ်သူ အနားကပ်ပြီး လည်ပင်း၌ ဆွဲထားသည့် ရွှေဆွဲကြိုးအား အတင်ဝင်ဖျက်ပြီး ဆိုင်ကယ်မောင်းပြေးခဲ့ကြောင်း ဆိုသည်။

ထိုနောက် ဆွဲကြိုးဖြတ်ပြေး၍ သူခိုးသူခိုးဟု နောက်မှ အော်လိုက်ခဲ့သဖြင့် လမ်းလျှောက်ထွက်လာသူ အချို့နှင့်အတူပါလာသည့် သူငယ်ချင်းဖြစ်သူတို့မှ ဝိုင်းလိုက်ကာ ဖမ်းဆီးစဉ် ဆိုင်ကယ် ယိုင်သွားပြီး စက်ရပ်သွားသဖြင့် ဆွဲကြိုးဖျက်ပြေးသူအား ချက်ချင်းဖမ်းဆီး လိုက်နိုင်ခြင်းဖြစ်ကြောင်း ရဲတပ်ဖွဲ့ထံက သိရသည်။

ထိုသို့ဖမ်းဆီးရမိ၍ ဆွဲကြိုးအား ရှာဖွေရာ လမ်းမပေါ်တွင် ဆွဲကြိုးနှစ်ပိုင်း ပြတ်လျှက် တွေ့ရှိရကြောင်း သိရသည်။

ဖြစ်စဉ်နှင့်ပတ်သတ်၍ ဆွဲကြိုးလုယက်သူ သက်နိုင်ထွန်း (၃၀နှစ်) မအူပင်မြို့၊ အမှတ် (၁) ရပ်ကွက်၊ ဝေဠု၀န် (၃)လမ်းနေသူအား မအူပင်မြို့မရဲစခန်းမှ (ပ) ၉၂၇/၂၀၂၀၊ ရာဇသတ်ကြီး ဥပဒေပုဒ်မ ၃၉၂ ဖြင့် အမှုဖွင့်ဖမ်းဆီး စစ်ဆေးမှုများ ပြုလုပ်လျှက်ရှိကြောင်း သိရသည်။

ဧရာဝတီ တတေး

Top Phoenix Media Group