ကိုဗစ်-၁၉ ရောဂါ ကုသပေးနေသော ဆရာဝန်များ၊ ကျန်းမာရေးဝန်ထမ်းများ၊ Volunteer များအတွက် ငွေကျပ် သိန်း (၁၀၀) ကျော် ချီးမြှင့်ဂုဏ်ပြု

 ကိုဗစ်-၁၉ ရောဂါ ကုသပေးနေသော ဆရာဝန်များ၊ ကျန်းမာရေးဝန်ထမ်းများ၊ Volunteer များအတွက် ငွေကျပ် သိန်း (၁၀၀) ကျော် ချီးမြှင့်ဂုဏ်ပြု

‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗

မန္တလေး၊ နိုဝင်ဘာ (၂၇)

ကိုဗစ်-၁၉ လူနာများကို ကုသပေးနေသော ဆရာဝန်များ၊ ကျန်းမာရေး ဝန်ထမ်းများ၊ Volunteer များအတွက် ငွေကျပ် သိန်း (၁၀၀) ကျော် ချီးမြှင့် ဂုဏ်ပြုခြင်းကို နိုဝင်ဘာလ (၂၇) ရက်နေ့က ကိုဗစ်-၁၉ ရောဂါပိုးရှိသူများ ကုသပေးနေသော ဆေးရုံ (၉)ရုံသို့ သွားရောက် လှူဒါန်းခဲ့သည်။

ကိုဗစ်- ၁၉ရောဂါ အတည်ပြုလူနာများကို ပြုစုကုသ စောင့်ရှောက် ပေးကြသော ကန်တော်နဒီဆေးရုံမှ (၂ဝ)ဦး၊ ခုတင်(၃ဝဝ)ဆံ့ သင်ကြားရေး ဆေးရုံမှ (၁ဝဝ)ဦး၊ တိုင်းရင်းဆေးရုံမှ (၂၆) ဦး၊ ၆၂-လမ်း သံဃာ့ဆေးရုံမှ (၃ဝ)ဦး၊ Multi Stadium မှ (၂၆) ဦး ၊ ဇီဝိတဒါနသံဃာ့ဆေးရုံ (ကန်တော်ကြီး)မှ (၁၄)ဦး၊ အလုပ်သမားဆေးရုံ(မန္တလေး)မှ (၂၃)ဦး၊ ပုသိမ်ကြီးဆေးရုံမှ (၂၅)ဦး၊ သူနာပြုတက္ကသိုလ် မှ (၁ဝ)ဦးတို့အား တစ်ဦးလျှင် ငွေကျပ် လေးသောင်း နှုန်းဖြင့် (၁၀၉ ၆၀၀၀၀) ကျပ်ကို ကျောက် မျက်ရတနာ လုပ်ငန်းရှင်များ အသင်း(မန္တလေး)၊ ကျောက်ဝိုင်း အကျိုးတော်ဆောင်၊ ကျောက်စိမ်း ညီအစ်ကို များ၏ ကိုဗစ်-၁၉ စုပေါင်း ရန်ပုံငွေများမှ ဂုဏ်ပြုချီးမြှင့်ပေးခြင်းဖြစ်ကြောင်း သိရသည်။

Ref; ထိပ်ထားနိုင်

#MOI Webportal Myanmar