(သတင်း)တပ်မတော်က USDP ပါတီကို မဲပေးခိုင်းတယ်ဆိုတာ မဟုတ်ကြောင်း ဗိုလ်မှူးချူပ် ဇော်မင်းထွန်း ငြင်းဆို
နေပြည်တော်၊ နိုဝင်ဘာ ၂၇
တပ်မတော်က ပြည်ထောင်စု ကြံ့ခိုင်ရေးနဲ့ဖွံ့ ဖြိုးရေး ပါတီ (USDP) ကို မဲပေးခိုင်းတယ် ဆိုတာ မဟုတ်ကြောင်း ဒီနေ့ နေပြည်တော် စစ်သမိုင်းပြတိုက်မှာ ပြုလုပ်တဲ့ သတင်းစာ ရှင်းလင်းပွဲမှာ ဗိုလ်မှူးချူပ် ဇော်မင်းထွန်း ငြင်းဆို ခဲ့တာဖြစ်ပါ တယ်။
ပခုက္ကူ မြို့နယ် အမှတ် ၂၃၅ ခြေလျင်တပ်ရင်းမှာ နေထိုင်တဲ့ မသဉ္ဇာသန်းမင်းက စက်တင်ဘာ ၂၃ ရက်နေ့မှာ USDP ပါတီ ကို မဲပေးဖို့ တပ်တွင်း ဖိအားပေးမှုရှိတယ်လို့ သူရဲ့ လှုမှုကွန်ရက် စာမျက်နှာကနေ ရေးတင်ခဲ့တာကြောင့် တပ်မတော်က ပုဒ်မ ၃ ခုနဲ့ တရားစွဲဆိုခဲ့တဲ့ ဖြစ်စဉ်အပေါ် သတင်းထောက်တွေရဲ့ မေးမြန်းမှုကို တပ်မတော် သတင်းမှန်ပြန်ကြားရေး အဖွဲ့က ဗိုလ်မှူးချူပ် ဇော်မင်းထွန်း ပြန်လည် ဖြေကြားခဲ့တာ ဖြစ်ပါတယ်။
“တပ်မတော်ကတော့ တရားစွဲထားတာ ရှိတယ်လို့ သိရပါတယ်။ အဓိကက ၅၀၅ နဲ့ တရားစွဲတယ်လို့ သိတယ်။ စစ်နေ တယ်လို့ သိတယ်။ ခင်ဗျားတို့ ထင်နေသလိုလည်း မဟုတ်ပါဘူး။ တပ်ကနေပြီး ပြည်ခိုင်ဖြိုးကို မဲပေးခိုင်းလို့ဆိုတာ မဟုတ် ပါဘူး။ ပုဂ္ဂလိကပိုင်းဆိုင်ရာ အကြောင်းအရာတွေ ပါပါတယ်”လို့ ဗိုလ်မှူးချူပ် ဇော်မင်းထွန်းက ပြောပါတယ်။
မသဉ္ဇာသန်းမင်းက Facebook အကောင့်အမည် Thin Zar နဲ့ စက်တင်ဘာ ၂၃ ရက်မှာ“ကျမအဖေက စစ်သားဖြစ်နေလို့ USDP ကို မဲပေးရမယ်တဲ့။ ကျမကတော့ NLD ကို မဲပေးတော့ ကျမအဖေ ရာထူးကို ခြိမ်းခြောက်နေပါတယ် ရှင့်။……. အခု စာလည်း တင်လို့ဆိုပြီး အရေးယူမလား မသိဘူးရှင့်”လို့ ရေးသားခဲ့တာကြောင့် စက်တင်ဘာ ၂၄ ရက်က ခေါ်ယူစစ်ဆေး ခဲ့ပြီးနောက် တရားစွဲဆိုခံခဲ့ရတာ ဖြစ်ကြောင်း သိရပါတယ်။
အခုဖြစ်စဉ်က တစ်ဦးနဲ့တစ်ဦး ပဋိပက္ခဖြစ်တာကနေစတာ ဖြစ်ပြီး မသဉ္ဇာသန်းမင်းရဲ့အဖေဖြစ်တဲ့ တပ်မတော်သားအပေါ် သက်ရောက်မှု မရှိကြောင်း ဗိုလ်မှူးချူပ် ဇော်မင်းထွန်းက ပြောပါတယ်။
ဗိုလ်မှူးချူပ် ဇော်မင်းထွန်းက “သူက တစ်ဦးနဲ့တစ်ဦး ပဋိပက္ခဖြစ်ပွားတာကနေစပြီး ပြောရရင် အရပ်သားစကားနဲ့ ပြောရရင် တစ်ဦးနဲ့တစ်ဦး ရန်ဖြစ်တာကနေစပြီး ဒီကိစ္စတွေဖြစ်လာခြင်း ဖြစ်တယ်။ (သူ့ဖခင်ကို) သက်ရောက်မှုမရှိဘူး”လို့ ပြောဆိုပါ တယ်။
နိုဝင်ဘာ ၂၅ ရက်နေ့မှာ မသဉ္ဇာသန်းမင်းကို ပခုက္ကမြို့နယ် တရားရုံးက ပုဒ်မ ၅၀၅(က)နဲ့ စွဲချက်တင်ကြောင်း အမိန့်ချခဲ့ပြီး ဒီဇင်ဘာလ ၁ ရက်နေ့ကို ရုံးချိန်း ပြန်လည်ချိန်းဆိုခဲ့တယ်လို့ ပခုက္ကမြို့နယ် တရားရုံးက သိရပါတယ်။
သတင်း - ရွှေလင်းသစ် (ရွှေတြိဂံ)
ပုံစာ - USDP ပါတီဝင် တချို့၊ တပ်မတော် သတင်းမှန်ပြန်ကြားရေး အဖွဲ့ ဗိုလ်မှူးချူပ် ဇော်မင်းထွန်းကို သတင်းစာရှင်းလင်းပွဲမှာ တွေ့ရစဉ်၊ နေပြည်တော်ရှိ USDP ပါတီ ရုံးချုပ်။
ဓာတ်ပုံ - တပ်မတော် သတင်းမှန်ပြန်ကြားရေး အဖွဲ့ ၊ bangkokpost.com , asia.nikkei.com
Unicode
(သတင်း)
တပ်မတော်က USDP ပါတီကို မဲပေးခိုင်းတယ်ဆိုတာ မဟုတ်ကြောင်း ဗိုလ်မှူးချူပ် ဇော်မင်းထွန်း ငြင်းဆို
နေပြည်တော်၊ နိုဝင်ဘာ ၂၇
တပ်မတော်က ပြည်ထောင်စု ကြံ့ခိုင်ရေးနဲ့ဖွံ့ ဖြိုးရေး ပါတီ (USDP) ကို မဲပေးခိုင်းတယ် ဆိုတာ မဟုတ်ကြောင်း ဒီနေ့ နေပြည်တော် စစ်သမိုင်းပြတိုက်မှာ ပြုလုပ်တဲ့ သတင်းစာ ရှင်းလင်းပွဲမှာ ဗိုလ်မှူးချူပ် ဇော်မင်းထွန်း ငြင်းဆို ခဲ့တာဖြစ်ပါ တယ်။
ပခုက္ကူ မြို့နယ် အမှတ် ၂၃၅ ခြေလျင်တပ်ရင်းမှာ နေထိုင်တဲ့ မသဉ္ဇာသန်းမင်းက စက်တင်ဘာ ၂၃ ရက်နေ့မှာ USDP ပါတီ ကို မဲပေးဖို့ တပ်တွင်း ဖိအားပေးမှုရှိတယ်လို့ သူရဲ့ လှုမှုကွန်ရက် စာမျက်နှာကနေ ရေးတင်ခဲ့တာကြောင့် တပ်မတော်က ပုဒ်မ ၃ ခုနဲ့ တရားစွဲဆိုခဲ့တဲ့ ဖြစ်စဉ်အပေါ် သတင်းထောက်တွေရဲ့ မေးမြန်းမှုကို တပ်မတော် သတင်းမှန်ပြန်ကြားရေး အဖွဲ့က ဗိုလ်မှူးချူပ် ဇော်မင်းထွန်း ပြန်လည် ဖြေကြားခဲ့တာ ဖြစ်ပါတယ်။
“တပ်မတော်ကတော့ တရားစွဲထားတာ ရှိတယ်လို့ သိရပါတယ်။ အဓိကက ၅၀၅ နဲ့ တရားစွဲတယ်လို့ သိတယ်။ စစ်နေ တယ်လို့ သိတယ်။ ခင်ဗျားတို့ ထင်နေသလိုလည်း မဟုတ်ပါဘူး။ တပ်ကနေပြီး ပြည်ခိုင်ဖြိုးကို မဲပေးခိုင်းလို့ဆိုတာ မဟုတ် ပါဘူး။ ပုဂ္ဂလိကပိုင်းဆိုင်ရာ အကြောင်းအရာတွေ ပါပါတယ်”လို့ ဗိုလ်မှူးချူပ် ဇော်မင်းထွန်းက ပြောပါတယ်။
မသဉ္ဇာသန်းမင်းက Facebook အကောင့်အမည် Thin Zar နဲ့ စက်တင်ဘာ ၂၃ ရက်မှာ“ကျမအဖေက စစ်သားဖြစ်နေလို့ USDP ကို မဲပေးရမယ်တဲ့။ ကျမကတော့ NLD ကို မဲပေးတော့ ကျမအဖေ ရာထူးကို ခြိမ်းခြောက်နေပါတယ် ရှင့်။……. အခု စာလည်း တင်လို့ဆိုပြီး အရေးယူမလား မသိဘူးရှင့်”လို့ ရေးသားခဲ့တာကြောင့် စက်တင်ဘာ ၂၄ ရက်က ခေါ်ယူစစ်ဆေး ခဲ့ပြီးနောက် တရားစွဲဆိုခံခဲ့ရတာ ဖြစ်ကြောင်း သိရပါတယ်။
အခုဖြစ်စဉ်က တစ်ဦးနဲ့တစ်ဦး ပဋိပက္ခဖြစ်တာကနေစတာ ဖြစ်ပြီး မသဉ္ဇာသန်းမင်းရဲ့အဖေဖြစ်တဲ့ တပ်မတော်သားအပေါ် သက်ရောက်မှု မရှိကြောင်း ဗိုလ်မှူးချူပ် ဇော်မင်းထွန်းက ပြောပါတယ်။
ဗိုလ်မှူးချူပ် ဇော်မင်းထွန်းက “သူက တစ်ဦးနဲ့တစ်ဦး ပဋိပက္ခဖြစ်ပွားတာကနေစပြီး ပြောရရင် အရပ်သားစကားနဲ့ ပြောရရင် တစ်ဦးနဲ့တစ်ဦး ရန်ဖြစ်တာကနေစပြီး ဒီကိစ္စတွေဖြစ်လာခြင်း ဖြစ်တယ်။ (သူ့ဖခင်ကို) သက်ရောက်မှုမရှိဘူး”လို့ ပြောဆိုပါ တယ်။
နိုဝင်ဘာ ၂၅ ရက်နေ့မှာ မသဉ္ဇာသန်းမင်းကို ပခုက္ကမြို့နယ် တရားရုံးက ပုဒ်မ ၅၀၅(က)နဲ့ စွဲချက်တင်ကြောင်း အမိန့်ချခဲ့ပြီး ဒီဇင်ဘာလ ၁ ရက်နေ့ကို ရုံးချိန်း ပြန်လည်ချိန်းဆိုခဲ့တယ်လို့ ပခုက္ကမြို့နယ် တရားရုံးက သိရပါတယ်။
သတင်း - ရွှေလင်းသစ် (ရွှေတြိဂံ)
ပုံစာ - USDP ပါတီဝင် တချို့၊ တပ်မတော် သတင်းမှန်ပြန်ကြားရေး အဖွဲ့ ဗိုလ်မှူးချူပ် ဇော်မင်းထွန်းကို သတင်းစာရှင်းလင်းပွဲမှာ တွေ့ရစဉ်၊ နေပြည်တော်ရှိ USDP ပါတီ ရုံးချုပ်။
ဓာတ်ပုံ - တပ်မတော် သတင်းမှန်ပြန်ကြားရေး အဖွဲ့ ၊ bangkokpost.com , asia.nikkei.com
Comments
Post a Comment