မန္တလေးမြို့၌ COVID-19 ပိုးတွေ့လူနာ များပြားလာပြီး ကွာရန်တင်း စင်တာများလည်း တိုးချဲ့နေရဟု ၀န်ကြီးချုပ်ပြော

မန္တလေးမြို့၌ COVID-19 ပိုးတွေ့လူနာ များပြားလာပြီး ကွာရန်တင်း စင်တာများလည်း တိုးချဲ့နေရဟု ၀န်ကြီးချုပ်ပြော၊

မဟာအောင်မြေမြို့နယ် အမှတ်(၂၄) အထက်တန်းကျောင်းအား ကွာရန်တင်း စင်တာအဖြစ် ယနေ့ စတင် အသုံးပြုမည်၊

ဒီဒါင်းမေ၊ နိုဝင်ဘာ - ၁၄

မန္တလေးမြို့တွင် COVID-19 ရောဂါ အတည်ပြုလူနာ တွေ့ရှိမှု များပြားလာပြီး အဆိုပါလူနာများနှင့် ထိတွေ့ဆက်စပ်မှု ရှိသူများကို စောင့်ကြည့်နိုင်ရန် ကွာရန်တင်းစင်တာများလည်း လိုအပ်နေကြောင်း မန္တလေးတိုင်းဒေသကြီး အစိုးရအဖွဲ့ ၀န်ကြီးချုပ် ဒေါက်တာဇော်မြင့်မောင်က ပြောသည်။

"အခု ကျွန်တော်တို့ မန္တလေးမှာ အောင်မြေသာစံမှာ အများကြီး ဖြစ်သွားတယ်။ နောက်ပြီး မဟာအောင်မြေနဲ့ ပြည်ကြီးတံခွန်မှာလည်း အဖြစ်များနေတယ်။ ဒီလိုနေရာတွေမှာ ကွာရန်တင်းစင်တာတွေ ထပ်တိုးပြီးတော့ စောင့်ကြည့်ဖို့ ပြင်ဆင်နေတယ်" ဟု ဒေါက်တာဇော်မြင့်မောင်က ပြောသည်။

မန္တလေးခရိုင် ခုနှစ်မြို့နယ်အနက် မြို့ပေါ် ငါးမြို့နယ်သည် လူဦးရေ ထူထပ်သည့်အတွက် တစ်ဦးနှင့်တစ်ဦး နီးစပ်မှု ရှိခြင်းကြောင့် ရောဂါကူးစက်ကာ ပိုးတွေ့လူနာအရေအတွက် များပြားလာကြောင်း၊ ပိုးတွေ့လူနာ များပြားလာသည်နှင့်အမျှ ယင်းနှင့်ထိတွေ့သူ အရေအတွက်လည်း များပြားလာပြီး ကွာရန်တင်းစင်တာများ ထပ်မံလိုအပ်နေကြောင်း မန္တလေးတိုင်းဒေသကြီး COVID-19 ထိန်းချုပ်ရေးနှင့် အရေးပေါ်တုန့်ပြန်ရေး ကော်မတီဝင်များက ပြောသည်။

လက်ရှိတွင် COVID-19 ရောဂါ အဖြစ်များသည့် မန္တလေးမြို့ပေါ် မြို့နယ်များရှိ အခြေခံပညာ အထက်တန်း ကျောင်းများကို ကွာရန်တင်း စင်တာများအဖြစ် ပြင်ဆင်ထားရန် ဆောင်ရွက်နေပြီး မဟာအောင်မြေမြို့နယ်ရှိ အမှတ်(၂၄) အခြေခံပညာ အထက်တန်းကျောင်း၌ လူ (၁၅၀)ဆံ့ ကွာရန်တင်းစင်တာ ပြင်ဆင်ပြီးဖြစ်ရာ ယနေ့ နိုဝင်ဘာ(၁၄)ရက်တွင် စတင်လက်ခံမည်ဖြစ်ကြောင်း သတင်းရရှိသည်။

"ကိုယ့်မြို့နယ်အလိုက် Q Center (ကွာရန်တင်းစင်တာ) တွေ ပြန်ဖွင့်တာပေါ့။ ဟိုဟာတွေ (လက်ရှိ အသုံးပြုနေသော ကွာရန်တင်းစင်တာများ) ပိတ်မလားဆိုတော့လည်း မပိတ်ဘူး။ ကိုယ့်မြို့နယ်အလိုက်ကို ထားမယ်။ အကယ်၍ များလာမယ်ဆိုရင် အဆင်သင့် ထားရှိဖို့ပါ" ဟု မန္တလေးတိုင်းဒေသကြီး ပြည်သူ့ကျန်းမာရေးနှင့်ကုသရေးဦးစီးဌာန၊ တိုင်းဦးစီးမှူး ဒေါက်တာသန်းသန်းမြင့်က Mandalay In-depth News အား ပြောသည်။

လက်ရှိတွင် မန္တလေးမြို့၌ COVID-19 အတည်ပြုလူနာနှင့် ထိတွေ့ဆက်စပ်မိသူများကို ကန်တော်ကြီး ဇီဝိတဒါန သံဃာ့ ဆေးရုံကြီး၊ မန္တလာတက္ကသိုလ်၊ ဧရာဝတီစင်တာနှင့် မန္တလေး ပညာရေးဒီဂရီကောလိပ်နှင့် ဇီးပင်ကြီး ဗဟိုဝန်ထမ်းတက္ကသိုလ်တို့တွင် ကွာရန်တင်း ထားရှိလျှက် ရှိသည်။

မန္တလေးတိုင်းအတွင်းရှိ အခြားခရိုင်များတွင်လည်း ကျောင်း၊ တက္ကသိုလ်စသည့် နေရာများအား ကွာရန်တင်း စင်တာများအဖြစ် သတ်မှတ်ထားပြီး တစ်တိုင်းလုံးတွင် ကွာရန်တင်းစင်တာ (Facility Quarantine Center) (၁၃၇)နေရာရှိကြောင်း တိုင်းကော်မတီက သတင်းထုတ်ပြန်ထားသည်။ နိုဝင်ဘာ(၁၃)ရက်အထိ မန္တလေးတိုင်းအတွင်း ကွာရန်တင်း ၀င်နေသူ (၂၉၆၀)ဦးနှင့် ဟိုတယ်များ၌ ကွာရန်တင်း ၀င်နေသူ (၅၆၈)ဦး ရှိသည်ဟု ဆိုသည်။

ယခုရက်ပိုင်းအတွင်း မန္တလေးတိုင်းတွင် နေ့စဉ် COVID-19 အတည်ပြုလူနာသစ် (၁၀၀)၀န်းကျင် တိုးနေပြီး အများစုသည် မန္တလေးခရိုင်တွင် နေထိုင်သူများ ဖြစ်ကြောင်း ကျန်းမာရေးနှင့် အားကစားဝန်ကြီးဌာနက သတင်းထုတ်ပြန်ထားသည်။

ယနေ့ နိုဝင်ဘာ (၁၄)ရက်အထိ မန္တလေးတိုင်းအတွင်း COVID-19 အတည်ပြုလူနာ (၂၉၂၉) ဦး ရှိပြီး ၎င်းတို့အနက် ဆေးရုံဆင်းခွင့်ရသူ (၂၁၀၉) ဦး၊ ဆေးရုံများ၌ ကုသမှုခံယူနေဆဲ (၈၀၂)ဦးနှင့် သေဆုံးသူ (၁၈)ဦး ရှိကြောင်း မန္တလေးတိုင်းဒေသကြီး COVID-19 ထိန်းချုပ်ရေးနှင့် အရေးပေါ်တုန့်ပြန်ရေး ကော်မတီက သတင်းထုတ်ပြန်ထားသည်။

မဟာအောင်မြေမြို့နယ် အ.ထ.က (၂၄)အား ခုတင်(၁၅၀)ဆံ့ ကွာရန်တင်းစင်တာအဖြစ် အသုံးပြုရန် ပြင်ဆင်နေစဉ်/ Photo – Zaw Zaw Aung Mahar FB.

https://www.facebook.com/mandalayindepthnews

#Mandalay_Indepth_News #MandalayInDepthNews #COVID-19 #မန္တလေး #ရောဂါကူးစက် #ကွာရန်တင်းစင်တာ 

.

မန္တလေးမြို့၌ COVID-19 ပိုးတွေ့လူနာ များပြားလာပြီး ကွာရန်တင်း စင်တာများလည်း တိုးချဲ့နေရဟု ၀န်ကြီးချုပ်ပြော၊

မဟာအောင်မြေမြို့နယ် အမှတ်(၂၄) အထက်တန်းကျောင်းအား ကွာရန်တင်း စင်တာအဖြစ် ယနေ့ စတင် အသုံးပြုမည်၊

ဒီဒါင်းမေ၊ နို၀င်ဘာ - ၁၄

မန္တလေးမြို့တွင် COVID-19 ရောဂါ အတည်ပြုလူနာ တွေ့ရှိမှု များပြားလာပြီး အဆိုပါလူနာများနှင့် ထိတွေ့ဆက်စပ်မှု ရှိသူများကို စောင့်ကြည့်နိုင်ရန် ကွာရန်တင်းစင်တာများလည်း လိုအပ်နေကြောင်း မန္တလေးတိုင်းဒေသကြီး အစိုးရအဖွဲ့ ၀န်ကြီးချုပ် ဒေါက်တာဇော်မြင့်မောင်က ပြောသည်။

"အခု ကျွန်တော်တို့ မန္တလေးမှာ အောင်မြေသာစံမှာ အများကြီး ဖြစ်သွားတယ်။ နောက်ပြီး မဟာအောင်မြေနဲ့ ပြည်ကြီးတံခွန်မှာလည်း အဖြစ်များနေတယ်။ ဒီလိုနေရာတွေမှာ ကွာရန်တင်းစင်တာတွေ ထပ်တိုးပြီးတော့ စောင့်ကြည့်ဖို့ ပြင်ဆင်နေတယ်" ဟု ဒေါက်တာဇော်မြင့်မောင်က ပြောသည်။

မန္တလေးခရိုင် ခုနှစ်မြို့နယ်အနက် မြို့ပေါ် ငါးမြို့နယ်သည် လူဦးရေ ထူထပ်သည့်အတွက် တစ်ဦးနှင့်တစ်ဦး နီးစပ်မှု ရှိခြင်းကြောင့် ရောဂါကူးစက်ကာ ပိုးတွေ့လူနာအရေအတွက် များပြားလာကြောင်း၊ ပိုးတွေ့လူနာ များပြားလာသည်နှင့်အမျှ ယင်းနှင့်ထိတွေ့သူ အရေအတွက်လည်း များပြားလာပြီး ကွာရန်တင်းစင်တာများ ထပ်မံလိုအပ်နေကြောင်း မန္တလေးတိုင်းဒေသကြီး COVID-19 ထိန်းချုပ်ရေးနှင့် အရေးပေါ်တုန့်ပြန်ရေး ကော်မတီ၀င်များက ပြောသည်။

လက်ရှိတွင် COVID-19 ရောဂါ အဖြစ်များသည့် မန္တလေးမြို့ပေါ် မြို့နယ်များရှိ အခြေခံပညာ အထက်တန်း ကျောင်းများကို ကွာရန်တင်း စင်တာများအဖြစ် ပြင်ဆင်ထားရန် ဆောင်ရွက်နေပြီး မဟာအောင်မြေမြို့နယ်ရှိ အမှတ်(၂၄) အခြေခံပညာ အထက်တန်းကျောင်း၌ လူ (၁၅၀)ဆံ့ ကွာရန်တင်းစင်တာ ပြင်ဆင်ပြီးဖြစ်ရာ ယနေ့ နို၀င်ဘာ(၁၄)ရက်တွင် စတင်လက်ခံမည်ဖြစ်ကြောင်း သတင်းရရှိသည်။

"ကိုယ့်မြို့နယ်အလိုက် Q Center (ကွာရန်တင်းစင်တာ) တွေ ပြန်ဖွင့်တာပေါ့။ ဟိုဟာတွေ (လက်ရှိ အသုံးပြုနေသော ကွာရန်တင်းစင်တာများ) ပိတ်မလားဆိုတော့လည်း မပိတ်ဘူး။ ကိုယ့်မြို့နယ်အလိုက်ကို ထားမယ်။ အကယ်၍ များလာမယ်ဆိုရင် အဆင်သင့် ထားရှိဖို့ပါ" ဟု မန္တလေးတိုင်းဒေသကြီး ပြည်သူ့ကျန်းမာရေးနှင့်ကုသရေးဦးစီးဌာန၊ တိုင်းဦးစီးမှူး ဒေါက်တာသန်းသန်းမြင့်က Mandalay In-depth News အား ပြောသည်။

လက်ရှိတွင် မန္တလေးမြို့၌ COVID-19 အတည်ပြုလူနာနှင့် ထိတွေ့ဆက်စပ်မိသူများကို ကန်တော်ကြီး ဇီဝိတဒါန သံဃာ့ ဆေးရုံကြီး၊ မန္တလာတက္ကသိုလ်၊ ဧရာဝတီစင်တာနှင့် မန္တလေး ပညာရေးဒီဂရီကောလိပ်နှင့် ဇီးပင်ကြီး ဗဟို၀န်ထမ်းတက္ကသိုလ်တို့တွင် ကွာရန်တင်း ထားရှိလျှက် ရှိသည်။

မန္တလေးတိုင်းအတွင်းရှိ အခြားခရိုင်များတွင်လည်း ကျောင်း၊ တက္ကသိုလ်စသည့် နေရာများအား ကွာရန်တင်း စင်တာများအဖြစ် သတ်မှတ်ထားပြီး တစ်တိုင်းလုံးတွင် ကွာရန်တင်းစင်တာ (Facility Quarantine Center) (၁၃၇)နေရာရှိကြောင်း တိုင်းကော်မတီက သတင်းထုတ်ပြန်ထားသည်။ နို၀င်ဘာ(၁၃)ရက်အထိ မန္တလေးတိုင်းအတွင်း ကွာရန်တင်း ၀င်နေသူ (၂၉၆၀)ဦးနှင့် ဟိုတယ်များ၌ ကွာရန်တင်း ၀င်နေသူ (၅၆၈)ဦး ရှိသည်ဟု ဆိုသည်။

ယခုရက်ပိုင်းအတွင်း မန္တလေးတိုင်းတွင် နေ့စဉ် COVID-19 အတည်ပြုလူနာသစ် (၁၀၀)၀န်းကျင် တိုးနေပြီး အများစုသည် မန္တလေးခရိုင်တွင် နေထိုင်သူများ ဖြစ်ကြောင်း ကျန်းမာရေးနှင့် အားကစား၀န်ကြီးဌာနက သတင်းထုတ်ပြန်ထားသည်။

ယနေ့ နိုဝင်ဘာ (၁၄)ရက်အထိ မန္တလေးတိုင်းအတွင်း COVID-19 အတည်ပြုလူနာ (၂၉၂၉) ဦး ရှိပြီး ၎င်းတို့အနက် ဆေးရုံဆင်းခွင့်ရသူ (၂၁၀၉) ဦး၊ ဆေးရုံများ၌ ကုသမှုခံယူနေဆဲ (၈၀၂)ဦးနှင့် သေဆုံးသူ (၁၈)ဦး ရှိကြောင်း မန္တလေးတိုင်းဒေသကြီး COVID-19 ထိန်းချုပ်ရေးနှင့် အရေးပေါ်တုန့်ပြန်ရေး ကော်မတီက သတင်းထုတ်ပြန်ထားသည်။

မဟာအောင်မြေမြို့နယ် အ.ထ.က (၂၄)အား ခုတင်(၁၅၀)ဆံ့ ကွာရန်တင်းစင်တာအဖြစ် အသုံးပြုရန် ပြင်ဆင်နေစဉ်/ Photo – Zaw Zaw Aung Mahar FB.

https://www.facebook.com/mandalayindepthnews

#Mandalay_Indepth_News #MandalayInDepthNews #COVID-19 #မန္တလေး #ရောဂါကူးစက် #ကွာရန်တင်းစင်တာ 

.