မြင်းစီးထွက်သော အိပ် မ က် များ

 

 ` အချစ်ဆိုတာ ရယူခြင်းဖြစ်သည်၊၊ 

ထိုကြောင့်ပိုင်ဆိုင်နိုင်အောင်ကြို စားရမည် ။ 

အချစ်ဆိုတာ ပေးဆပ်ခြင်းဖြစ်သည် ။ 

ထို့ကြောင့်စွန့်လွှတ်အနစ်နာခံရမည် ။ ´

စသောသူများအားလုံးသည်ချစ်ခြင်းတရားနဲ့ပက်သက်၍ 

နှလုံးသားမှာ ဗဟိုလွှဲမှားနေကြသူများသာ ဖြစ်သည်။

         အချစ်ဆိုသည်မှာ စိတ်အာရုံ၌ လဲ့ပြာနေအောင်

ပွင့်သွားသော ပန်းကလေးသာဖြစ်၏ ။ 

ကိုယ့်အတွက်ဟုခြွေယူခြင်းသည်လည်ကောင်း ၊ သူ့အတွက်ဟု ခူးပေးခြင်းသည်လည်းကောင်း 

ထိုပန်းကလေးကို ကွပ်မျက်သတ်ဖြတ်လိုက်ခြင်းသာ ဖြစ်ပါသည် ။

          ကျတော် သူမကိုချစ်၏ ။ သို့သော် ထိုအချစ်သည် 

ကျတော်မဟုတ်သလို သူမလည်းမဟုတ်ပါ ။ 

အချစ်ဆိုသည်မှာ ကျတော်နှင့်သူမကြားမှ ငြိမ်းချမ်းစွာ ဝင်းပလက်ဖြာနေသည့် လကလေးတစ်စင်းသာဖြစ်ပါသည် ။

လရောင်ဖြူ အောက်၌ အဘယ်သူ့တို့ ပူလောင်ဖူးပါသနည်း။

          သူမကို ချစ်မိခြင်းဖြင့် ကျတော်နှလုံးသားသည်

လည်း ရဲရင့်မြင့်မြတ် ၊ တစ်ဘဝစာ လူသားဆန်တတ်ခဲ့ ။

သူမကို ငြိမ်းချမ်းတည်ကြည်စွာ လွမ်းနေခြင်းဖြင့်

ကျတော်နှလုံးအိမ်မှာ သက်ငြိမ်ယဉ်ကျေးမှုလေးတစ်ခု ဖြစ်

တည်ခဲ့ ၊ ဘဝမှာလေးနက်စင်ကြယ်ခဲ့ဖူးပြီ ။

#တာရာမင်းဝေ

မြင်းစီးထွက်သောအိပ်မက်များမှ