ဒဂုံမြို့သစ်(တောင်ပိုင်း)မြို့နယ်၌ အမေရိကန်နိုင်ငံထုတ် လက်နက်ကိုင်ဆောင်ထားသူ ၃ ဦးကိုဖမ်းဆီးခဲ့ပြီး ဆက်လက်စစ်ဆေးရာက လေသေနတ်၊ ဂတ်စ်သေနတ်နှင့် အသုံးဆောင်ပစ္စည်းများထပ်မံသိမ်းဆည်းရမိခဲ့ကြောင်း နိုဝင်ဘာ ၂၇ ရက်နေ့တွင် ရဲတပ်ဖွဲ့မှသိရသည်။

 

ဒဂုံမြို့သစ်(တောင်ပိုင်း)မြို့နယ်၌ အမေရိကန်နိုင်ငံထုတ် လက်နက်ကိုင်ဆောင်ထားသူ ၃ ဦးကိုဖမ်းဆီးခဲ့ပြီး ဆက်လက်စစ်ဆေးရာက လေသေနတ်၊ ဂတ်စ်သေနတ်နှင့် အသုံးဆောင်ပစ္စည်းများထပ်မံသိမ်းဆည်းရမိခဲ့ကြောင်း နိုဝင်ဘာ ၂၇ ရက်နေ့တွင် ရဲတပ်ဖွဲ့မှသိရသည်။

နိုဝင်ဘာ ၂၄ ရက်နေ့ မွန်းလွဲ ၂ နာရီတွင် ဒဂုံမြို့သစ်(တောင်ပိုင်း)မြို့နယ် ၆၆ ရပ်ကွက် ဧရာဝဏ်လမ်းပေါ်တွင် Suzuki အမျိုးအစား ယာဉ်တစ်စီးနှင့် အတူမသင်္ကာဖွယ်တွေ့ရှိသည့် အမျိုးသားသုံးကို ရဲတပ်ဖွဲ့က သွားရောက်စစ်ဆေးခဲ့သည်။

အဆိုပါ ယာဉ်၏ဘေးတွင် ဒဂုံမြို့သစ်(တောင်ပိုင်း)မြို့နယ်၊ (၆၆)ရပ်ကွက်၊ အင်းဝအိမ်ရာနေသူများ ယာဉ်ပိုင်ရှင် ဦးမြရွှေ၊ (၆၁)နှစ်၊ ယာဉ်မောင်း မျိုးကိုကို၊ (၂၈)နှစ်နှင့် ဖြိုးသူအောင်၊ (၂၉)နှစ်တို့ သုံးဦးကိုတွေ့ရှိခဲ့ပြီး ဖြိုးသူအောင် လွယ်ထားသည့် အနက်ရောင် ဘေးလွယ်အိတ်အတွင်းကို စစ်ဆေးခဲ့သည်။

လွယ်အိတ်အတွင်းမှ USA နိုင်ငံထုတ် 9mm ပစ္စတို အနက်ရောင်တစ်လက်၊ ကျည်အိမ်တပ်လျက် ၎င်းကျည် ၁၀တောင့်၊ မျိုးကိုကို လွယ်ထားသော အညိုရောင် ဘေးလွယ်အိတ်အတွင်းမှ ဂျာမဏီနိုင်ငံထုတ် 22 ပစ္စတို အဖြူရောင်တစ်လက်၊ ကျည်အိမ်တပ်လျက် ၎င်းကျည် ၁၂တောင့် ၊ ယာဉ်မောင်းဘေးတံခါးကြားမှ အရိုးအသွား ၁၉ လက်မရှိ စတီးရိုးတပ် တစ်ဘက်သွားဓါးဦးချွန် တစ်ချောင်းတို့ကို ရှာဖွေသိမ်းဆည်းခဲ့သည်။

၎င်းတို့သုံးဦးကိုဒဂုံမြို့သစ်(တောင်ပိုင်း)မြို့မရဲစခန်းက လက်နက်အမှုဖြင့် အမှုဖွင့်အရေးယူခဲ့သည်။၎င်းတို့ကို ကွင်းဆက်စစ်ဆေးရာက သန်လျင်မြို့နယ်၊ ဘုရားကုန်းကျေးရွာနေအိမ်ခြံဝင်းတစ်ခုမှ Gas ဖြင့် ပစ်ခတ်ရသည့် သေနတ်အရှည်(၈)လက်၊ အတို (၄) လက်နှင့် ထည့်သွင်းအသုံးပြုရသောဘောစေ့များ၊ ဒူးလေး (၁)လက်၊သေနတ်တွင် တပ်ဆင်သည့် Gasအိုးငယ် (၁၁)ခု၊ Gasဖြည့်ဗူး(၇)ဗူး၊ စနိုက်ပါမှန်ပြောင်း(၃)ခု၊ ကင်ဒိုဓါး(၁) ချောင်းထပ်မံသိမ်းဆည်းရမိခဲ့သည်။သိမ်းဆည်းရမိသည့် လက်နက်များနှင့်ပတ်သက်၍ ဆက်လက်အရေးယူထားသည်။

Source - https://myanmar.mmtimes.com/news/147418.html