ငါ့ဝမ်းပူစာ မနေသာလို့...♥♥♥♥♥♥♥♥♥
ရန်ကုန်မြို့တွင် နိုဝင်ဘာ၁၂မှ နိုဝင်ဘာ ၂၃ထိ လမ်းသွားလမ်းလာနှင့် နေအိမ်ခြံဝင်းတို့တွင် တွေ့ရှိသော မြွေ ခုနစ်ကောင် အနက် နှစ်ကောင်မှာ အရွယ်အစားကြီးမားသည့် စပါးအုံး မြွေများဖြစ်သည်။
မြွေတွေ့ရှိမှု များလာရခြင်းမှာ ၎င်းတို့နေထိုင်ရာ မြေအောက်တွင် ပြောင်းလဲမှုတစုံတရာရှိနေနိုင်ခြင်းနှင့် အစာရှာဖွေရေးအတွက် ထွက်ရှိလာသည့် သဘော ဖြစ်နိုင်သည်။
“အခုလိုမျိုး လက္ခဏာတွေပြတယ်ဆိုရင်တော့ သတိထားဖို့လိုတယ်ပေါ့နော်။ သဘာဝဘေးအန္တရာယ် ကြီးကြီးမားမားတွေဖြစ်လာနိုင်တယ်။ အထူးသဖြင့် အောက်ခြေမှာ မြေအောက်မှာဖြစ်နေတဲ့ ဟာတွေက ဘာတွေဖြစ်နေမှန်းမသိဘူး။ ငလျင်တွေ ဒီ့ထက်လှုပ်လာမလား။ ရေတွေ ဒီ့ထက်ခမ်းသွားမလား။ အဲ့ဒါမျိုးတွေနဲ့ ဆိုင်တယ်လို့တော့ ထင်တယ်” ဟု ဒေါ်ဒေဝီသန့်စင်က ပြောသည်။
ဒေါက်တာသိန်းအောင်ကတော့
“စားချိန်တန်လို့ အစာစားဖို့ထွက်လာတာလည်းဖြစ်နိုင်တယ်။ အကယ်၍သာ ရာသီဥတုအခြေအနေပူလို့ ဘာလို့ နေလို့မရဘူးဆိုရင် တခြား သတ္တဝါတွေပါ ထွက်လာရမှာလေ။ တခြားသတ္တဝါတွေဆိုတာ ဥပမာ တီကောင်လိုဟာမျိုး မြေအောက်မှာနေတဲ့ အခြားအင်းဆက်လိုဟာမျိုး ကြွက်လိုဟာမျိုး၊ ပူးလိုဟာမျိုး အဲ့ဒါတွေက အကုန်လုံးထွက်လာကြရမှာပဲပေါ့”
“မြို့ပေါ်မှာနေနေတယ် ။အစာရေစာ မှန်မှန်မစားရ။ သူလိုချင်တဲ့ ရှင်သန်မှု ပြည့်ပြည့်စုံစုံမရှိတဲ့ အကောင်တွေသည် သဘာဝကို ပြန်ပြီးတော့ အကျိုးပြုဖို့ဆိုတာ ခဲယဉ်းတယ်။ သဘာဝပတ်ဝန်းကျင်အရဆိုရင်တော့ မြို့တွေပေါ်မှာရှိတဲ့ အကောင်တွေကို တွေ့တယ်ဆိုရင် ဖမ်းယူပြီးတော့ တောရိုင်းတိရစ္ဆာန် ကယ်ဆယ်ရေးစင်တာလိုဟာမျိုးမွေးပါ ပြီးရင် သဘာဝထဲကို ပြန်လွှတ်ပေးတာအကောင်းဆုံးပဲ ”
မရမ်းကုန်းမြို့နယ်တစ်ခုတည်းမှာပင် တွေ့ရှိမှု လေးကြိမ်ရှိခဲ့ပြီး စပါးအုံးမြွေနှစ်ကောင်နှင့် အခြားအမျိုးအစား မြွေ နှစ်ကောင်ကို တွေ့ရှိခဲ့ရသည်။
၁။ နိုဝင်ဘာ ၁၂ မရမ်းကုန်း နဝဒေးလမ်းရှိ နေအိမ်တွင် အရှည် ရှစ်ပေ၊ လုံးပတ် ၁၀ လက်မရှိသည့် စပါးအုံး မြွေကြီးတွေ့ရှိခဲ့။
၂။ နိုဝင်ဘာ ၁၃ရက်နေ့က ကမာရွတ်၊အင်းလျားလမ်းရှိ ခြံဝန်းအတွင်း မြွေတစ်ကောင်ဝင်ရောက်ခဲ့။
၃။ နိုဝင်ဘာ ၁၆ ရက်နေ့မှာလည်း ရန်ကင်း၊သစ္စာလမ်းလမ်းရှိ အမှတ် ၁၂ရပ်ကွက်အုပ်ချုပ်ရေးမှူးရုံးအနီးတွင် သံကွင်းစွပ်မြွေ အရှည် သုံးပေ၊ လုံးပတ် သုံးလက်မခန့် မြွေ တစ်ကောင်တွေ့ရှိခဲ့။
၄။ နိုဝင်ဘာ ၁၇ မရမ်းကုန်း အင်ယားလိတ်လမ်းပေါ်တွင် လုံးပတ် တစ်ပေခန့်၊ အရှည် ၁၅ ပေပခန့် စပါးအုံးမြွေတစ်ကောင် တွေ့ရှိခဲ့။
၅။ နိုဝင်ဘာ ၁၈ တိုက်ကြီး ရှမ်းဘက် (၁) လမ်းရှိ နေအိမ်မှာ မြွေ တစ်ကောင်ဝင်ရောက်ခဲ့။
၆။ နိုဝင်ဘာ ၂၁ မရမ်းကုန်း၊ ဝံသာရက္ခိတလမ်းရှိ နေအိမ်တွင် မြွေတစ်ကောင်တွေ့ရှိခဲ့။
၇။ နိုဝင်ဘာ ၂၃ မရမ်းကုန်း၊ ဝံသာရက္ခိတလမ်းရှိ နေအိမ်မှ မြွေတစ်ကောင်တွေ့ရှိခဲ့။
Mizzima
Comments
Post a Comment