ဒီမိုကရေစီအပြည့်အဝမရသေးသဖြင့်နိုင်ငံပိုင်သတင်းစာ တွေရှိသင့်ဟု မုံရွာဦးအောင်ရှင်ပြောကြား

 ဒီမိုကရေစီအပြည့်အဝမရသေးသဖြင့်နိုင်ငံပိုင်သတင်းစာ

တွေရှိသင့်ဟု မုံရွာဦးအောင်ရှင်ပြောကြား

====================================

လက်ရှိအခြေအနေတွင်ဒီမိုကရေစီအပြည့်အဝမရသေးသ

ဖြင့်နိုင်ငံပိုင်သတင်းမီဒီယာများရှိသင့်ကြောင်းအမျိုးသားဒီမိုကရေစီအဖွဲ့ချုပ်၏ပြောရေးဆိုခွင့်ရှိသူမုံရွာဦးအောင်ရှင်ကပြောသည်။

အမျိုးသာဒီမိုကရေစီအဖွဲ့ချုပ်ဥက္ကဋ္ဌဖြစ်သူဒေါ်အောင်ဆန်းစုကြည်ကယခင်နှစ်များကနိုင်ငံပိုင်သတင်းစာများမှာဒီမိုကရေစီနှင့်မညီသဖြင့်မရှိသင့်ကြောင်းပြောဆိုခဲ့ပြီးနောက်ယခုအခါပြည်သူများအနေဖြင့်သတင်းအချက်အလက်အမှန်ရရှိရေးနိုင်ငံပိုင်သတင်းစာများဖတ်ရှုရန်အကြံပြုမှုအပေါ်မေးမြန်းရာတွင်အထက်ပါအတိုင်းပြောကြားခဲ့ခြင်းဖြစ်သည်။

"ဒေါ်အောင်ဆန်းစုကြည်ကမီဒီယာတွေနဲ့တွေ့ဆုံပွဲတစ်ခုမှာ

ပြောဖူးတယ်ဒီမိုကရေစီအစိုးရလက်ထက်မှာနိုင်ငံပိုင်သတင်းစာတွေမရှိသင့်ဘူးလို့ပြောဖူးတယ်ဒါပေမဲ့သူနောက်ဆက်တွဲပြောတဲ့စကားလုံးရှိတယ်ဗျနိုင်ငံပိုင်သတင်းစာတွေမရှိသင့်ဘူးသို့သော်လည်းပဲတဖြေးဖြေးချင်းပြောင်းလဲရမှာတဲ့ သူပြောတယ်ချက်ချင်းတော့ပြောင်းလဲလို့မရဘူးပေါ့ဗျာ ကျွန်တော်လည်းဒါကိုသဘောတူပါတယ်နောင်တစ်ချက်ကတော့ဒီကနေ့ကာလဟာတကယ့်ဒီမိုကရေစီအပြည့်အဝကာလမဟုတ်ဘူးဗျဒီမိုကရေစီအသွင်ကူးပြောင်းရေးကာလဖြစ်တဲ့အတွက်ကြောင့်နိုင်ငံပိုင်သတင်းစာရှိသင့်သေးတယ်လို့ ကျွန်တော်ကအဲ့ဒီလိုပဲမြင်ပါတယ်"ဟုမုံရွာဦးအောင်ရှင်ကသုံးသပ်ပြောကြားသည်။

သတင်းအချက်အလက်များပြည့်ပြည့်စုံစုံသိရှိရန်နှင့်အစိုးရ၏ ဆောင်ရွက်ချက်များ ကို ပြည်သူများ သိရှိစေရန် အတွက် နိုင်ငံပိုင်သတင်းစာများ ဖတ်ရန်  နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကနိုဝင်ဘာလ၂၃ရက်နေ့ညပိုင်းကနိုင်ငံပိုင်ရုပ်မြင်သံကြားမှတဆင့်ပြည်သူသို့ကိုဗစ်အရေးမိန့်ခွန်းပြောကြားရာတွင်ထည့်သွင်းပြောကြားခဲ့သည် ။

‘’ကျွန်မ တစ်ခု မေတ္တာရပ်ခံချင်ပါတယ် ၊ ဖြစ်နိုင်လို့ ရှိရင် သတင်းစာတွေဖတ်စေချင်ပါတယ်၊နိုင်ငံတော်သတင်းစာတွေပါ၊အဲဒါကသတင်းစာရောင်းချင်လို့ပြောတာမဟုတ်ပါဘူး ၊ ရောင်းလို့ ကောင်းရင်လည်း ကောင်းတာပေါ့ နော် ၊ ကိုဗစ် ၁၉ နဲ့ ပက်သက်လို့ ကျန်းမာရေး နဲ အခြား ဝန်ကြီးဌာနက ထုတ်ပြန်ချက်တွေကို တစ်ချို့တွေက သေသေချာချာမဖတ်ကြလို့ပါ။“ဟုဒေါ်အောင်ဆန်းစုကြည်ကပြောကြားခဲ့ခြင်းဖြစ်သည်။