အစိုးရအဖွဲ့ဝန်ကြီးများနှင့် တိုင်းနှင့် ပြည်နယ်ဝန်ကြီးချုပ်များကို ဒေါ်အောင်ဆန်းစုကြည်ကိုယ်တိုင် ရွေးချယ်မည်
ရန်ကုန်၊ နိုဝင်ဘာ ၁၇
NLD ပါတီမှ အစိုးရသစ်တွင် တာဝန်ထမ်းဆောင်မည့် အစိုးရအဖွဲ့ဝန်ကြီးများနှင့် တိုင်းနှင့်ပြည်နယ်ဝန်ကြီးများကို ဒေါ်အောင်ဆန်းစုကြည် ကိုယ်တိုင် ရွေးချယ်မည်ဖြစ်ကြောင်း အမျိုးသားဒီမိုကရေစီအဖွဲ့ချုပ် (NLD) ပါတီ ဗဟိုပြန်ကြားရေးကော်မတီ အတွင်းရေးမှူး မုံရွာအောင်ရှင်က The
Voice Daily သို့ပြောကြားသည်။
NEWS
ထိုင်းလွှတ်တော်အပြင်ဘက်ရှိ ဆန္ဒပြသူများကို မျက်ရည်ယိုဓာတ်ငွေ့ရည်ဖြင့် ဖြိုခွင်း
အမေရိကန် Moderna ကုမ္ပဏီထုတ် ကိုဗစ်ကာကွယ်ဆေး ၉၄ ဒသမ ၅ ရာခိုင်နှုန်း ထိရောက်မှုရှိ
မအူပင်တွင် ကိုဗစ်ထောက်ပံ့ကြေး လေးသောင်းကျပ်အပြည့်မရဟုဆိုကာဆန္ဒပြ
အဖွဲ့ချုပ် မထောက်ခံသူများ၏ အခွင့်အရေးများလည်း ကာကွယ်သွားမည်ဟု NLD ထုတ်ပြန်
ဆက်ကြေးကောက်ခံတာတွေကြောင့် ချင်းတွင်းမြစ်ထဲသွားလာနေတဲ့ ရေယာဉ်တဝက်လောက် ရပ်နား
ဟုမ္မလင်း လေယာဉ်ကွင်းမျက်နှာစာကို မြေလွတ်မြေရိုင်းအဖြစ်သတ်မှတ်
လယ်ယာလုပ်ငန်းအပေါ် Covid-19 ကပ်ရောဂါ၏ အကျိုးသက်ရောက်မှုစစ်တမ်းကောက်ယူ
ဗဟိုဘဏ်က ငွေပေးချေမှုစနစ်အသစ် CBM-Net 2 စတင်မိတ်ဆက်
Stay at Home ကြေညာထားသော မြို့နယ်များတွင် ပုံမှန်ကာကွယ်ဆေးထိုးမှုများပြန်လည်စတင်
POST TYPENEWS
အစိုးရအဖွဲ့ဝန်ကြီးများနှင့် တိုင်းနှင့် ပြည်နယ်ဝန်ကြီးချုပ်များကို ဒေါ်အောင်ဆန်းစုကြည်ကိုယ်တိုင် ရွေးချယ်မည်
17-Nov-2020
ရန်ကုန်၊ နိုဝင်ဘာ ၁၇
NLD ပါတီမှ အစိုးရသစ်တွင် တာဝန်ထမ်းဆောင်မည့် အစိုးရအဖွဲ့ဝန်ကြီးများနှင့် တိုင်းနှင့်ပြည်နယ်ဝန်ကြီးများကို ဒေါ်အောင်ဆန်းစုကြည် ကိုယ်တိုင် ရွေးချယ်မည်ဖြစ်ကြောင်း အမျိုးသားဒီမိုကရေစီအဖွဲ့ချုပ် (NLD) ပါတီ ဗဟိုပြန်ကြားရေးကော်မတီ အတွင်းရေးမှူး မုံရွာအောင်ရှင်က The
Voice Daily သို့ပြောကြားသည်။
"အစိုးရအဖွဲ့နဲ့ ဝန်ကြီးတွေ၊ ဝန်ကြီးချုပ်တွေနဲ့ ပတ်သက်လို့ ဒေါ်အောင်ဆန်းစုကြည်က သူကိုယ်တိုင်ရွေးမယ်လို့ ပြောထားတယ်။ ဒါတွေက အချိန်တန်လာရင် တွေ့ရမှာပါ၊ ဘယ်သူဖြစ်မယ်၊ ဘယ်ဝါဖြစ်မယ်ဆိုတာတော့ ကြိုပြီးတော့ မပြောတတ်သေးဘူး" ဟု ၎င်းကဆိုသည်။
၂၀၂၀ ပြည့်နှစ် နိုဝင်ဘာလ ၈ ရက်နေ့က ကျင်းပသည့် ပါတီစုံအထွေထွေရွေးကောက်ပွဲတွင် အမျိုးသားဒီမိုကရေစီအဖွဲ့ချုပ် (NLD) ပါတီအနေဖြင့် လွှတ်တော်ကိုယ်စားဦးရေ ၉၂၀ ရရှိခဲ့ပြီး ပြည်ထောင်စုလွှတ်တော်တွင် အစိုးရဖွဲ့နိုင်သည့်ဦးရေထက် ပိုမိုကျော်လွန်ကာ အမတ်အရေအတွက် ၃၉၆ ဦး ရရှိထားပြီး ၂၀၂၁-၂၀၂၅ ကြား ၅ နှစ်တာကာလ တာဝန်ထမ်းဆောင်မည့် အစိုးရအဖွဲ့ ဝန်ကြီးများနှင့် တိုင်းဒေသကြီး၊ ပြည်နယ် ဝန်ကြီးချုပ်များကို ရွေးချယ်ခွင့်ရှိနေသည်။
၂၀၁၅ ခုနှစ် အထွေထွေ ရွေးကောက်ပွဲတွင်လည်း အမျိုးသားဒီမိုကရေစီအဖွဲ့ချုပ် (NLD)ပါတီအနေဖြင့် အစိုးရဖွဲ့နိုင်သည့်ဦးရေထက် ပိုမိုကျော်လွန်ရရှိခဲ့ပြီး အစိုးရအဖွဲ့ဖွဲ့စည်းခဲ့နိုင်ခဲ့သည်။
အချို့သော တိုင်းဒေသကြီးနှင့် ပြည်နယ်ဝန်ကြီးချုပ်များမှာ လုပ်ဆောင်မှု အမှားအယွင်း၊ ပြောဆိုမှု အမှားအယွင်းများကြောင့် ဝေဖန်မှုအများအပြားရှိခဲ့ပြီး တနင်္သာရီတိုင်းဒေသကြီး ဝန်ကြီးချုပ် ဒေါ်လဲ့လဲ့မော်မှာ အဂတိလိုက်စားမှုဖြင့် ထောင်ဒဏ်ချမှတ်ခဲ့ခဲ့ရသည်။
အလားတူ ကယားပြည်နယ်ဝန်ကြီးချုပ် ဦးအယ်လ်ဖောင်ရှိုမှာလည်း ပြည်နယ်လွှတ်တော်၏ စွပ်စွဲပြစ်မှုခံခဲ့ရပြီး ရာထူးမှဖယ်ရှားခံခဲ့ရသည်။
"ပြီးခဲ့တဲ့ ငါးနှစ်သက်တမ်းမှာ အစိုးရအဖွဲ့ရဲ့ လုပ်ဆောင်ချက်တွေနဲ့ပတ်သက်လို့ ပြည်သူတွေက အားမရဘူးဆိုတဲ့ အသံတွေကြားခဲ့ရတယ်။ ဒီတစ်ခါ မှာတော့ ပြည်သူ့အသံနဲ့ တကယ့်ကို စွမ်းဆောင်ရည်ထက်မြက်တဲ့ ဝန်ကြီးတွေ ရွေးဖို့ရာကတော့ ရာခိုင်နှုန်းတော်တော်များများ သေချာသလောက် ရှိတယ်။ တစ်ခုတော့ရှိတယ်။ ကြိုက်ခြင်း၊ မကြိုက်ခြင်းကတစ်ပိုင်း၊ အရည်အချင်းရှိတယ်။ မရှိဘူးဆိုတဲ့ အပိုင်းကတစ်ပိုင်းပေါ့။ နိုင်ငံတော်တည် ဆောက်နေတဲ့ကာလမှာ ပညာရှင်တွေ လိုတယ်ဆိုတာ လည်းသိပါတယ်။ အချိုးညီညီဖြစ်အောင်တော့ အကောင်းဆုံးဖြစ်အောင် ကြိုးစားသွားမှာပါ" ဟု နိုဝင်ဘာလ ၁၇ ရက် နေ့နံနက်ပိုင်းက အွန်လိုင်းသတင်းစာ ရှင်းလင်းပွဲတွင် NLD ဒုဥက္ကဋ္ဌ (၂) ဒေါက်တာဇော်မြင့်မောင်က ပြောကြား ထားသည်။
Source - http://thevoicemyanmar.com/news/44541-lol
Comments
Post a Comment